Grua…
Nga Enia Hoxha
Kjo fjalë kaq e fuqishme që mbart brenda saj kaq shumë kuptim.
Një fjalë që jo gjithmonë është respektuar, por ndër vite janë perpjekur që me forcë ta përdhosin.
Ta shtypin, ta ulin, ta zhdukin… Përse?
Sepse një grua është një qenie e brishtë, e cënueshme…
Një grua nuk vlen, është thjesht një skllave e shoqerisë boterorë. Një grua vendin e saj e ka pranë kuzhinës, pranë sobës e pranë shtepisë.
Një grua nuk di të punoje, nuk shërben për asgjë. Një grua është thjesht një inkubator për liderat madhështor të së ardhmes, që në fund të ditës do vazhdojnë të përulin figurën e asaj qenie nga e cila u krijuan… Sepse ajo është thjesht një grua…
Por në c’ligj të universit është shkruar se një grua është krijuar për hiçgjë? Cili ishte ai që në kokën e njerëzisë derdhi vrer të pafundëm kundër kësaj mrekullie?
Jo mor jo, një grua s’është skllave e mendësisë tënde! Ajo mund të bëjë gjithçka.
Një grua mund të qajë, mund të qeshë, një grua është e lirë të bëjë ç’të dojë.
Të votojë, të jetojë, të punojë, të shijojë e të pranojë veten e saj për atë çka është!
Një grua është e lirë të thotë JO. Nje grua mund te kete nje familje, nje shtepi e nje karriere ne te njejten kohe e t’i permbushi gjithe detyrat e saj per mrekulli. Nje grua duhet te jete e barabarte me nje mashkull.
Jo sepse ne kete menyre vendoset ekuilibri, por sepse e meriton.
Nje grua mund te mbaje gjithe boten mbi supe.
Ne fund te dites, nje grua mbetet nje grua dhe eshte gjeja me cool me te cilen ti mund te identifikohesh.
Ndjehu krenare qe je nje grua!
Përgjegjësia: Pikëpamjet dhe mendimet e shprehura në këtë artikull janë të autorëve dhe nuk pasqyrojnë domosdoshmërisht politikën ose pozicionin zyrtar të Qendrës Rinore “Perspektiva”. Supozimet e bëra brenda analizës nuk reflektojnë pozicionin e Qendrës Rinore “Perspektiva”.
